Первичная профсоюзная организация работников Учреждения образования "Белорусский государственный педагогический университет имени Максима Танка"

«Чароўны ліхтар Ашмян»

 

22 мая мы адправіліся на экскурсію » Чароўны ліхтар Ашмян»   па маршруту: Ашмяны – Жупраны – Кушляны – Жодзішкі – возера Свір – Міхалішкі.

АШМЯНЫ – былая вялікакняжацкая рэзідэнцыя, а таксама сталіца некалі самага вялікага ў ВКЛ цуда-павета. Землі Ашмянскага павета – найважнейшая частка створанай у 1920 годзе ўраджэнцам Ашмян Люцыянам Жалігоўскім. З ХVI стагоддзя былая Рынкавая плошча збірала вакол сябе найбольш прадстаўнічую забудову павятовага цэнтра. Сярод яе вылучаюцца дзве святыні: стройны, высакарослы касцёл і царква. Ну а тутэйшую сінагогу з маляўнічым трохступеністым дахам і рэшткамі ранейшага багатага ўнутранага ўбрання зараз абараняе з густам аформлены мясцовы краязнаўчы музей, у якім мы і завяршылі шпацыр па старадаўніх вулачках Ашмян.

Ну, а далей «ліхтар» азарыў на нашым маршруце сваім чароўным святлом выяву Францішка Багушэвіча на месцы вечнага спачыну (ЖУПРАНЫ). У 1900 годзе паэта адпявалі ў сценах Петра-Паўлаўскага касцёла, вогненна-чырвоны гатычны сілуэт якога велічна ўзнімаецца над былым мястэчкам. Прах песняра знаходзіцца побач, на могілках.

Потым экскурсія працягнулася ў чароўным кутку сельскіх пейзажаў – маёнтку Францішка Багушэвіча ў КУШЛЯНАХ, у доме-музеі паэта, дзе захавалася драўляная сядзібная хата (1896) і каменная стайня.

Далей мы праехалі праз палі найцяжэйшых бітваў Першай сусветнай і апынемся ў ЖОДЗІШКАХ, на берагах Віліі, якія расказалі нам няпростую гісторыю прыходу да нас у XVI ст. ідэй еўрапейскай Рэфармацыі, а галасы кальвіністаў можна пачуць і сёння ў тамтэйшым касцёле. Ды акрамя таго, выйшаў тут напаказ для заезджага госця адзіны ў Беларусі дзеючы вадяны млын, пабудаваны ў 1781 годзе.

Возера СВІР і сам пасёлак Свір трэба сапраўды абыходзіць з чароўным ліхтаром, бо тут і чароўныя пейзажы, і някідкія ў сваёй прыгажосці помнікі, і захапляльная дух панарама з вяршыні старажытнага гарадзішча (гары ДАЎМОНТА) на наваколлі, азёры і пералескі… А яно памятае Стэфана Баторыя, і забойцу «караля Літвы» Міндоўга – мяцежнага князя Даўмонта, які стаў пасля … святым верным князем Цімафеем у Пскове, чыю памяць там шануюць дагэтуль!

І вось, нарэшце, МІХАЛІШКІ… Дзе прадставілася нам ва ўсёй яго нагоды «сармацкае барока» з ашаламляльна-супярэчлівым абліччам звонку і ўсярэдзіне касцёла Св. Міхала. Гэтая песня прагучыць ужо на берагах Віліі, што аб’ядноўвае сёння дзве дзяржавы – Беларусь і Літву, якія пяць з лішнім стагоддзяў знаходзіліся ў адной дзяржаве – ВКЛ…

Дзень атрымаўся дастаткова насычаным, усе атрымалі незабыўныя ўражанні ад экскурсіі і пазітыўны зарад энергіі надоўга.

20220522_095748 20220522_104853 20220522_112549 20220522_130101 20220522_155922 20220522_171916 20220522_181532 20220522_182645 20220522_194027 20220522_115704

 

Контакты
Адрес: ул. Советская, 18, корпус 1, каб. 57 220030, г. Минск Республика Беларусь
Телефон/факс: 8 (017) 311-21-18
8 (017) 270-73-46
внутр.тел.: 151
E-mail: pk-bgpy@tut.by
График работы:
Понедельник – четверг: 8.30-17.30
Пятница: 8.30-16.15
Перерыв: 13.00-13.45